മുടി മുട്ടോളം വളരാന് കട്ടന്ചായയില് ഈ മിക്സ്...

മുടി വളരാനും മുടി കൊഴിച്ചില്‍ മാറ്റാനും പല വഴികളും തേടുന്നവരാണ് ഇന്ന് പലരും. മുടി പ്രശ്‌നങ്ങള്‍ ഇന്നത്തെ കാലത്ത് കുട്ടികള്‍ക്ക് പോലും കൂടുതലാണ്. ഇതിനാല്‍ തന്നെ ഇതിന് പരിഹാരമായി വില കൂടിയ ഉല്‍പന്നങ്ങളും വില കൂടിയ ചികിത്സാരീതികളുമെല്ലാം തന്നെ പരീക്ഷിയ്ക്കുന്നവര്‍ ധാരാളമുണ്ട്. എന്നാല്‍ നാടന്‍ രീതികള്‍ തന്നെയാണ് മുടിയ്ക്ക് ഏറെ ഗുണകരമാകുക. ഇതല്ലാത്ത വഴികള്‍ മുടിയ്ക്ക് പലപ്പോഴും ഗുണത്തേക്കാളേറെ ദോഷം വരുത്തുന്നവയാണ്. മുടിനല്ലതുപോലെ വളരാന്‍ സഹായിക്കുന്ന, മുടി കൊഴിച്ചില്‍ തടയാന്‍ സഹായിക്കുന്ന പല വഴികളുമുണ്ട്. ഇത്തരം ചില വഴികളെക്കുറിച്ചറിയാം.

​കട്ടൻചായ​

കട്ടൻചായ മുടി വളർച്ചയെ സഹായിക്കാനും മുടിയുടെ സ്വാഭാവിക നിറം വർദ്ധിപ്പിക്കുന്നതിനും മുടിയുടെ തിളക്കം വർദ്ധിപ്പിക്കുന്നതിനും സഹായിക്കുമെന്ന് നിരവധി പഠനങ്ങൾ വെളിപ്പെടുത്തുന്നു. ശിരോചർമ്മത്തിലെ പ്രശ്‌നങ്ങൾ പരിഹരിക്കുന്നതിനും മുടിയുടെ പല വിധത്തിലുള്ള പ്രശ്നങ്ങൾ ഇല്ലാതാക്കുന്നതിനും ഉപയോഗിക്കുന്ന പഴക്കം ചെന്ന സൗന്ദര്യ പ്രതിവിധിയാണ് കട്ടൻ ചായ. ചായയിലെ കഫീന്‍ മുടിയ്ക്ക് ആരോഗ്യം നല്‍കുന്ന കെരാറ്റിന്‍ ഉല്‍പാദനത്തിന് നല്ലതാണ്. ഇത് മുടി വളരാന്‍ സഹായിക്കുന്നു. മുടിയ്ക്ക് ആരോഗ്യം നല്‍കുന്നു. കട്ടൻ ചായ മുടിയുടെ ആരോഗ്യത്തെ മെച്ചപ്പെടുത്താൻ സഹായിക്കുകയും അവ നല്ല തിളക്കവും മനോഹരവുമായ മുടി നൽകുകയും ചെയ്യും. മുടിയ്ക്ക് തിളക്കവും മിനുസവും നല്‍കുകയും ചെയ്യുന്നു. കട്ടന്‍ചായ മുടിയില്‍ വെറുതേ പുരട്ടുന്നത് തന്നെ ഏറെ നല്ലതാണ്. ഇത് മുടിയ്ക്ക് കരുത്തും കറുപ്പും നല്‍കാന്‍ സഹായിക്കുന്ന ഒന്നാണ്.

​​മുടിയ്ക്ക്

ഡിടിഎച്ച് എന്ന ഹോര്‍മോണ്‍ മുടി വളര്‍ച്ച തടയാന്‍ കാരണമാകുന്ന ഒന്നാണ്. കട്ടൻ ചായയിലെ കഫീന് ഡിടിഎച്ച് തടയാൻ കഴിയുമെന്ന് നിരവധി പഠനങ്ങള്‍ വെളിപ്പെടുത്തിയിട്ടുണ്ട്. ഈ ഹോർമോൺ മുടി വളർച്ചാ ചക്രം കുറയ്ക്കുകയും പുതിയ രോമങ്ങളെ ചെറുതും കനംകുറഞ്ഞതുമാക്കുകയും ചെയ്യും. ഈ ഹോര്‍മോണുകളെ തടഞ്ഞ് നിര്‍ത്താന്‍ ശേഷിയുളളതാണ് കട്ടന്‍ ചായയിലെ കഫീന്‍. കട്ടന്‍ചായയുടെ ആന്റിഓക്‌സിഡന്റ് ഗുണങ്ങള്‍ മുടിയ്ക്ക് വിഘാതമാകുന്ന ടോക്‌സിനുകളെ പുറന്തളളിക്കളയാനും ശേഷിയുണ്ട്. ഇതെല്ലാം തന്നെ മുടിയുടെ ആരോഗ്യത്തെ സഹായിക്കുന്നു. മുടി കൊഴിച്ചില്‍ തടഞ്ഞ് മുടി വളരാന്‍ സഹായിക്കുന്നു.

​മുടി നരയ്ക്കുള്ള സ്വാഭാവിക പരിഹാരം ​

മുടി നരയ്ക്കുള്ള സ്വാഭാവിക പരിഹാരം കൂടിയാണ് ഇത്. മുടി കറുപ്പിയ്ക്കാനുള്ള ഹെന്ന പായ്ക്കിലും മറ്റ് പല നാടന്‍ ഡൈ പ്രയോഗങ്ങളിലും കട്ടന്‍ ചായ ചേര്‍ക്കാറുണ്ട്. കട്ടൻ ചായയിലെ തേഫ്‌ലാവിൻ, തേറൂബിഗിൻസ് എന്നീ ഘടകങ്ങളുടെ സാന്നിധ്യം അതിന് സ്വാഭാവികമായ ഇരുണ്ട നിറം നൽകുന്നു. ഫ്രീ റാഡിക്കലുകൾ എന്നറിയപ്പെടുന്ന കോശങ്ങളെ നശിപ്പിക്കുന്ന സംയുക്തങ്ങളെ നിർവീര്യമാക്കാൻ സഹായിക്കുന്ന ടാന്നിൻ, പോളിഫെനോൾ ആന്റിഓക്‌സിഡന്റുകൾ എന്നിവ കട്ടൻ ചായയിൽ അടങ്ങിയിട്ടുണ്ട്. കട്ടൻ ചായയുടെ ഇരുണ്ട പിഗ്മെന്റ് മുടിയുടെ കറുപ്പ് നിറം വർദ്ധിപ്പിക്കുന്നതിനും നരച്ച മുടി കുറയ്ക്കുന്നതിനും സഹായിക്കുന്നു. കട്ടന്‍ചായ ദിവസവും മുടിയില്‍ പുരട്ടുന്നത് മുടി നര തടയാന്‍ ഏറെ നല്ലതാണ്. നരച്ച മുടിയ്ക്കും ഇത് നാച്വറലായി നിറവ്യത്യാസം നല്‍കുന്നു.

​കഞ്ഞിവെള്ളം​

കട്ടന്‍ചായയ്‌ക്കൊപ്പം ഇതില്‍ ചേര്‍ക്കുന്നത് കഞ്ഞിവെള്ളമാണ്. കഞ്ഞിവെളളത്തിലെ പോഷകങ്ങളും മുടിയ്ക്ക് സ്വാഭാവിക ആരോഗ്യം നല്‍കാന്‍ ഏറെ നല്ലതാണ്. വൈററമിനുകള്‍, പ്രോട്ടീന്‍ തുടങ്ങിയ പല ഘടകങ്ങളും കഞ്ഞിവെള്ളത്തിലുണ്ട്. ഇത് ഫെര്‍മെന്റ് ചെയ്തത്, അതായത് പുളിപ്പിച്ചത് ഏറെ നല്ലതാണ്. കഞ്ഞിവെള്ളം നല്ലൊരു സ്വാഭാവിക കണ്ടീഷണര്‍ ഗുണം കൂടി നല്‍കുന്ന ഒന്നാണ്. കട്ടന്‍ചായ മുടിയില്‍ തേച്ചാല്‍ വരണ്ട മുടിയാകാന്‍ സാധ്യതയേറെയാണ്. ഇത് തടയാന്‍ സഹായിക്കുന്ന ഒന്നാണ് ഇതില്‍ കഞ്ഞിവെള്ളം ചേര്‍ക്കുന്നത്. ഇതുപോലെ വല്ലാതെ വരണ്ട മുടിയുള്ളവര്‍ക്ക് ഇതില്‍ അല്‍പം വൈറ്റമിന്‍ ഇ ഓയില്‍ കൂടി ചേര്‍ക്കാം. കട്ടന്‍ ചായയ്‌ക്കൊപ്പം ഈ ചേരുവകള്‍ കൂട്ടിച്ചേര്‍ത്ത് ഒരു പാനീയമാക്കാം. ഇത് ശിരോചര്‍മത്തില്‍ തേച്ചു പിടിപ്പിയ്ക്കാം. 1 മണിക്കൂര്‍ ശേഷം കഴുകാം. നാച്വറല്‍ ഷാംപൂ മാത്രം ഇട്ട് കഴുകകയെന്നത് ഏറെ പ്രധാനമാണ്. എത്ര തവണ വേണമെങ്കിലും ആര്‍ക്ക് വേണമെങ്കിലും പരീക്ഷിയ്ക്കാവുന്ന മുടി സംരക്ഷണ വിദ്യയാണ് ഇത്. മുടി കൊഴിച്ചില്‍ അകറ്റാനും ഇതേറെ നല്ലതാണ്.