അടിവയര് കുറയ്ക്കാന് സ്പെഷ്യല് ജീരകപ്പൊടി വെള്ളം

തടി കുറയ്ക്കാന്‍ വേണ്ടി പല വഴികളും പരതുന്നവരാണ് എല്ലാവരും. സ്ത്രീ പുരുഷ ഭേദമന്യേ പലരുടേയും പ്രധാന പ്രശ്‌നവുമാണ് ഇത്. ആരോഗ്യത്തിന് വരെ ഏറെ ദോഷം വരുത്തുന്ന ഒന്നാണ് അടിവയറ്റിലെ കൊഴുപ്പ്. അടിഞ്ഞു കൂടാന്‍ എളുപ്പവും പോകാന്‍ ബുദ്ധിമുട്ടുമുള്ള ഒന്നാണ് ഈ കൊഴുപ്പ്. വയറ്റിലെ ഈ കൊഴുപ്പ് നീക്കാന്‍ സഹായിക്കുന്ന പല വഴികളുമുണ്ട്. ഇതിന് സഹായിക്കുന്ന ഒരു പ്രത്യേക വീട്ടുവൈദ്യത്തെ കുറിച്ചറിയാം.
ഇത് തയ്യാറാക്കാന്‍

ഇത് തയ്യാറാക്കാന്‍ ജീരകം എടുക്കണം. ബാക്കിയെല്ലാ ചേരുവകളും ഒരു സ്പൂണ്‍ എടുക്കുമ്പോള്‍ അതിനിരട്ടി, അതായത് രണ്ടു സ്പൂണ്‍ ജീരകം എടുക്കുക. ഇത് ചെറുതായി വറുക്കുക. ഇത് പൊടിയ്ക്കാം. പ്രമേഹം, കൊളസ്‌ട്രോള്‍ പോലുള്ള പ്രശ്‌നങ്ങളെങ്കില്‍ കറിവേപ്പിലയും കൂടിയിട്ട് വറുക്കാം. കറിവേപ്പിലയും ഏറെ നല്ലതാണ്. ഇതെല്ലാം ചേര്‍ത്ത് പൊടിയ്ക്കുക. ഇത് വായു കടക്കാത്ത കുപ്പിയില്‍ ഇട്ടുവയ്ക്കാം. ഇതില്‍ നിന്നും ഒരു ടീസ്പൂണ്‍ വീതം എടുത്ത് വെള്ളത്തിലിട്ട് തിളപ്പിച്ച് രാവിലെ വെറുംവയറ്റില്‍ കുടിയ്ക്കുന്നത് ഏറെ ഗുണം നല്‍കും.

കറുവപ്പട്ട

കറുവപ്പട്ട ശരീരത്തിലെ മെറ്റബോളിസം വർദ്ധിപ്പിക്കുകയും കൊളസ്ട്രോളിന്റെയും രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യും. ആൻറി-ഇൻഫ്ലമേറ്ററി ഗുണങ്ങൾ അടങ്ങിയിട്ടുള്ള ഇവ ശരീരത്തിൽ കൂടുതൽ കലോറി അടിഞ്ഞുകൂടുന്നത് ഒഴിവാക്കി വയർ കുറയ്ക്കാൻ സഹായിക്കുന്നു. ദഹനത്തെ മെച്ചപ്പെടുത്തിക്കൊണ്ട് കൂടുതൽ കലോറി എരിയിച്ചു കളയുന്നതിന് ഇത് സഹായം ചെയ്യും.ഉപാപചയ നിരക്ക് വർദ്ധിപ്പിക്കാൻ കറുവപ്പട്ടയ്ക്ക് കഴിവുണ്ട്.ഇത് പ്രതിരോധശേഷി വർദ്ധിപ്പിക്കുന്നതോടൊപ്പം ക്ഷീണിച്ച പേശികളെ വിശ്രമിക്കാൻ അനുവദിക്കുകയും കൊഴുപ്പ് അടിഞ്ഞുകൂടുന്നത് വേഗത്തിൽ കത്തിച്ചു കളയാൻ സഹായിക്കുകയും ചെയ്യും.

ഗ്രാമ്പൂ

മസാലകള്‍ പൊതുവേ സ്വാദിനും ദഹനത്തിനും മാത്രമല്ല, വയറിന്റെ ആരോഗ്യത്തിന് മികച്ചതാണ് ഗ്രാമ്പൂ അഥവാ കരയാമ്പൂ. ഇതിലെ യൂജിനോള്‍ എന്ന എന്‍സൈം ആരോഗ്യത്തിന് ഏറെ ഗുണകരമാണ്. ഇതാണ് ഇതിന് എരിയുന്ന ഒരു രുചി നല്‍കുന്നത്. തടി കുറയ്ക്കാനും അനാവശ്യ കൊഴുപ്പ് നീക്കാനുമെല്ലാം ഏറെ ഗുണകരമാണ്. ധാരാളം ആരോഗ്യപരമായ ഗുണങ്ങള്‍ നല്‍കുന്ന ഒന്നു കൂടിയാണിവ. ഇത്തരം മസാലകളില്‍ പ്രധാനപ്പെട്ട ഒന്നാണ് കരയാമ്പൂ അഥവാ ഗ്രാമ്പൂ. രാത്രിയില്‍ ദഹനം കൃത്യമായി നടക്കാത്തതാണ് വയര്‍ ചാടാനും തടി കൂടാനുള്ള പ്രധാന കാരണം. ഇതിനുള്ള ഏറ്റവും നല്ല പരിഹാരമാണിത്.അപചയ പ്രക്രിയ ശക്തിപ്പെടുത്തിയും ദഹനം മെച്ചപ്പെടുത്തിയുമെല്ലാമാണ് തടി കുറയ്ക്കാന്‍ സഹായിക്കുന്നത്.

അയമോദകം

അയമോദകവും തടി കുറയ്ക്കാന്‍ സഹായിക്കുന്ന ഒരു ചേരുവ തന്നെയാണ്. ആമാശയത്തിൽ ഗ്യാസ്ട്രിക് ജ്യൂസുകളുടെ സ്രവണം വർദ്ധിപ്പിക്കുന്നു. ശരീര ഉപാപചയ പ്രവർത്തനങ്ങൾ വേഗത്തിലാക്കാനും വയറുവേദന ഗ്യാസ് തുടങ്ങിയ പ്രശ്നങ്ങളിൽ നിന്നും സംരക്ഷണം നൽകാനും അയമോദകം സഹായിക്കുന്നു. ഇത് ശരീരത്തിൽ കൂടുതൽ ജലാംശം നിലനിർത്തിക്കൊണ്ട് വീക്കങ്ങൾ കുറയ്ക്കുമെന്ന് വിശ്വസിക്കപ്പെടുന്നു. ഏറ്റവും മികച്ച പ്രകൃതിദത്ത ആന്റിഓക്‌സിഡന്റായ ഇത് ശരീരത്തിലെ വിഷാംശങ്ങളെ നീക്കം ചെയ്യുന്നത് വഴി ശരീരഭാരം കുറയ്ക്കുന്ന പ്രക്രിയ എളുപ്പമാക്കി മാറ്റുന്നു.

ജീരകം

ഇതിന് വേണ്ടത് ഒരു പ്രത്യേക രീതിയില്‍ ജീരകത്തിനൊപ്പം ചില ചേരുവകള്‍ തയ്യാറാക്കുന്ന സ്‌പെഷ്യല്‍ ജീരകപ്പൊടിയാണ്. ഇതില്‍ പ്രധാന ചേരുവയായി വരുന്നത് ജീരകം തന്നെയാ. ചെറുജീരകമാണ് ഇതിനായിവേണ്ടത്. ഇതിനൊപ്പം അയമോദകം, കറുവാപ്പട്ട, ഗ്രാമ്പൂ എന്നിവയും വേണം. ജീരകം പൊതുവേ ശരീരത്തിലെ ഉപാപചയ പ്രക്രിയ ശക്തിപ്പെടുത്തി തടി കുറയ്ക്കാന്‍ സഹായിക്കുന്ന ഒന്നാണ്.