“தன்னம்பிக்கையோட போனாங்க… ஆனா அவங்க நினைச்சதே இல்ல”… அந்த சின்னம்தான் சிக்க காரணமாச்சு! போலீசாரின் சிறப்பான நடவடிக்கை..!!!

வேலூர் மாவட்டம் குடியாத்தம் அருகே ஆரஸ் சாலை பகுதியில் இரண்டு மாதங்களுக்கு முன்பு பூட்டிய வீட்டில் திருட்டு முயற்சி நடைபெற்றது. சம்பவத்துக்குப் பிறகு வீட்டின் பூட்டு உடைக்கப்பட்டதுடன், உள்ளே சில பொருட்கள் தகர்க்கப்பட்ட நிலையில் போலீசாருக்கு புகார் அளிக்கப்பட்டது. இந்த வழக்கை தீவிரமாக விசாரித்த போலீசார், அங்கு இருந்த சிசிடிவி காட்சிகள் மற்றும் பிற தடயங்களை வைத்து விசாரணை நடத்தினர்.

திருடர்கள் வீட்டில் திருட முயன்ற போது, சிசிடிவியில் எடுக்கப்பட்ட படங்களில் அவர்களின் கழுத்திலும் கைகளிலும் உள்ள டாட்டூ குறியீடுகள் தெளிவாக பதிவாகியிருந்தன. அதனை போலீசார் முக்கிய தடயமாக எடுத்துக் கொண்டு, அதன் அடிப்படையில் குற்றவாளிகளை அடையாளம் காண முயற்சி மேற்கொண்டனர். பல இடங்களில் கண்காணிப்பு மற்றும் தேடுதல் நடவடிக்கைகள் மேற்கொள்ளப்பட்டன.

இந்நிலையில், குடியாத்தம் பாக்கம் பகுதியைச் சேர்ந்த அஸ்கர் அலி மற்றும் பிரசாத் ஆகியோர் இந்த வழக்கில் சம்பந்தப்பட்டவர்கள் என உறுதி செய்யப்பட்டது. அவர்களது உடலில் இருந்த டாட்டூ சின்னங்கள், சம்பவ இடத்தில் கிடைத்த காட்சிகளுடன் பொருந்தியதைத் தொடர்ந்து இருவரும் கைது செய்யப்பட்டனர்.

கைது செய்யப்பட்ட இவர்களிடம் இருந்து போலீசார் விசாரணை மேற்கொண்ட போது, திருட்டு முயற்சியில் பயன்படுத்தப்பட்ட கூரிய ஆயுதங்கள், கைத்தடியும் உள்ளிட்ட பொருட்கள் பறிமுதல் செய்யப்பட்டது. இந்த சம்பவம் வேலூர் மாவட்டத்தில் பரபரப்பை ஏற்படுத்தியுள்ளது, போலீசாரின் புத்திசாலித்தனமான விசாரணை மக்களிடையே பாராட்டை பெற்றுள்ளது.